我最喜愛的運動/球隊(活動加分中)
本帖最後由 C小旋風 於 9-10-2014 23:40 編輯自我簡介
樂古:C小旋風
居住:葵芳
返工定返學(返工)
來左樂古幾耐?透過咩途經使你降臨樂古論壇?
(我2004年開始玩 因為巨商依隻game認識左樂古 果陣係yahoo搜尋巨商之後見到樂古 見到有個巨商交易區之後比佢吸引來左)
喜愛咩運動/球隊 點解會鐘意上依樣運動/球隊 可以加埋喜愛邊一個足球員
我喜歡跑步,因為跑步可以使人放鬆身體,也可以舒緩工作壓力.........等等。我喜歡的球隊是利物浦,2006年新聞足球消息睇到利記拎到歐聯冠軍就喜歡上這枝球隊,可是它不爭氣,總是拿不到英超冠軍,現在的領隊是計2006年浪費金錢最多的領隊 只會買一班3線的球員(2年已使了2億1千萬鎊) 唔似車路士買2-3個核心就改變成枝球員 可能大師級教頂級球隊 中游教練點解要教前4 真係好差下......而且利物浦我最喜歡的球員是謝拉特 因為佢有永不放棄的精神 是利記象徵
資料愈詳細分數愈多(10-50分不等)(歡迎大家積極參加拿取分數)
(顏色不限) 自我簡介
樂古:h0nGo3o
居住:彩虹
返工定返學(返學)
來左樂古幾耐?透過咩途經使你降臨樂古論壇?
因為巨商
喜愛咩運動/球隊 點解會鐘意上依樣運動/球隊
乒乓球 技巧性 安全 唔會食波餅同唔易受傷
資料愈詳細分數愈多(10-50分不等)(歡迎大家積極參加拿取分數)
(顏色不限) 自我簡介
樂古:聶羅阿瑪特
居住:澳門= =
返工定返學(返工)
來左樂古幾耐?透過咩途經使你降臨樂古論壇?
(我2009年開始玩 因為SDO認識左樂古 ,哥時係點SDO官方論壇連結直接黎左昵度,後黎直接係YAHOO度搜尋入,由於工作時間、興趣、更新阻滯及電腦配置問題,在NAKUZ8週年活動中意外地轉戰GSO一直到現在)
喜愛咩運動/球隊 點解會鐘意上依樣運動/球隊 可以加埋喜愛邊一個足球員
平時我都冇乜做運動,打機居多,足球籃球米搞我,如果真係要講,就淨係得羽毛球同跑步,羽毛球主要係同FD一齊玩,但未必大家都有時間/的起個心奸去,所以一般要做運動既都係自己一個去公園跑步,慢跑45min係唔錯既運動,可以出一身汗,持續每日咁做仲可以廋身,不過腳易傷,跑步某程度上可以鍛鍊意志同心肺功能,當你過緊一個流流長既假期哥陣就會覺得其實每日拎45min出黎跑都唔係好多姐
資料愈詳細分數愈多(10-50分不等)(歡迎大家積極參加拿取分數)
興趣方面,我仲草左d遊戲王卡,整左副扣分防禦型卡組,不過對於宜家d主流黎講,相信係不x一擊,當係收藏都好啦,因為係早期公式卡黎講,一般係分強攻型,扣分型,埃組,剝卡型,哥d經典舊陣仲好懷念
單機game其實都算少玩,魔法門3係以前最中意玩既,pokemon第4代以後哥d都未玩,biozahard1,4,5,6都未玩,online方便一共玩過3隻,包活前面提過既sdo,gso仲有為人熟悉既cso,昵排有個活動係草300二戰卷換永久武1枝,我昵兩日狂打都夠數,只要日日keep住登入就夠300,諗住換哥枝8發步槍,雖然唔係散彈,但都差唔多,收住貨先,點解中意用散彈?因為我中意玩殭屍英雄,散彈高傷之餘又可令喪屍硬直方便保持距離
gso雖然玩左成年,但都只係得主200,其它都係雜兵,之後諗住200轉武天同天使,不過基於工作關係,要放假先得閒練級sad.......
sdo方便大大話話都玩左4年,但隨住我同gso/cso結緣,對sdo既感情已經所淨無幾,ac都有幾個,maybe某一日會再玩番都話唔埋,不過真係太講技術了,少玩就會生疏
動/漫方面IS,datealive,加度世界,刀劍,喪女,絕對戀愛命令等我都有追,至於pokemon,機戰類作品,銀魂我都想追,可惜冇時間同埋見到d集數咁多就唔想追,有機會都想追下onepiece,不過如果有動畫都係追動畫啦,漫畫真係睇到眼都花
返咩工秘密黎,總之係工餘時間都要開工哥隻,香港都有ga~自己估,我宜家返工都係等放工,放工等週末,週末又想等放假,放假又諗住放長假,壓力同工作量又大,超想轉工囉
我個人係個不修邊幅我行我素既人...但討厭被人討厭(確實好有矛盾),如非必要都想以和為貴,我主動搵話題黎講既話一定吹唔到10分鐘,但我係一個唔錯既傾訴者,你講既我會聽,聽完會講我既諗法,就算我唔清楚都會老吹幾句
你問我有咩中意食,真係問幾多次我都答唔到你,唔中意食既係d好鯹既野同埋d肥膩野,昵個都相信係我唔肥既原因,由於我細個中意食重口味同埋某程度上揀飲擇食既關係(仲有遺傳關係)所以搞到我好矮...都唔知第日點溝女...二黎我又毒,希望唔好有朝一日變左真係對三次元既異性冇興趣就好
講住咁多先...我現實世界仲有野搞 2:00am字 本帖最後由 瘋了!之比~ 於 13-10-2014 03:06 編輯
自我簡介
樂古: 瘋了!之比~
巨商: 商2 血染銀夕 "瘋 之比 "
居住:四海為家
返工定返學
大學Year 3
來左樂古幾耐?透過咩途經使你降臨樂古論壇?
2010年註冊, 巨商帶我入黎XD, 因為當時樂古係最多人討論巨商既地方.
喜愛咩運動/球隊 點解會鐘意上依樣運動/球隊
乒乓波. 由讀小學開始, 我呀爸就教我打乒乓波, 佢乒乓波好叻,
以前佢讀緊書既時候參加過好多比賽, 拎過好多獎, 所以自然而然佢都教我打乒乓波...
我同佢既父子關係都係由一個乒乓波開始建立, 親密...
我變得好鐘意打乒乓波, 到我小學五年級加入校隊, 同一班朋友一小息, 一放學就打,
回憶返果時真係好開心, 到我呀爸對眼開始老化, 佢就再冇同我打乒乓波...
到我入中學, 我申請加入校隊, 但係當時負責老師好似睇我唔順眼, 搵左一個Form 5 既校隊同我打, 然後我當然輸左, 就比人reject左....
中學入面冇同學同我一樣鐘意打乒乓波, 而且個個三唔識七, 又玩埋D我冇玩過既GAME, 我變得好孤單, 放棄左乒乓波
直到升到上大學, 有一次我先再約返以前兩個小學朋友打乒乓波, 但係令到我感觸既係, 當年天真活潑既朋友已經成熟,
我知道我永遠再搵唔返果種細個打乒乓波既感覺, 每次我經過樓下幾張乒乓波枱, 眼前都會浮起我以前細個, 同我呀爸,
同我班好可愛既小學朋友既影子..
乒乓波代表著我既童年, 我既喜樂, 所以我乒乓波絕對係我最鐘意既運動.
資料愈詳細分數愈多
我係小學5-6年級開始玩巨商, 當時係朋友介紹我玩, 從149年代, 到有幻獸, 到有少林寺, 到有200LV,
到有小玲冰血, 到有神獸, 到有250LV, 到有真冰破奧, 到有印度,
我係當中離開過幾次, 每次離開至少相隔半年, 之後返返黎, 巨商都會有所變化.
比如最上一次重玩, 去到大田市街, 發覺以往入到去就LAG既大田市街, 竟然一個人都冇...
再上一次重玩, 變有250LV, 果時雖然我200陣, 但係全部都抽左太裝, 冇經=.=
所以好大震撼.
最尾, 時間都允許我稍微追上:)
我唔係一個機迷, 由出世到依家我玩過既都得AOC, 跑online, LOL同巨商,
LOL我嫌「虛偽既團體合作」之後沒玩了, 最鐘意, 係「夜曲」, 佢同我既靈魂最相近.
跑上到綠飛鞋之後, 仲讀緊中學果時開始就已經冇玩, 不過佢仍然係我重要既童年回憶.
最鐘意, 亦係我既皇牌場, 「邁向雪女之國」
但係巨商先係一隻真正, 令到我由細到大都放唔低既game,
即使外掛, 即使代理惡劣, 即使成日死ser彈game卡帳, 即使唔改版......
即使解除安裝過無數次, 始終有一日會返返黎.
放唔低, 可能因為童年, 可能因為放得太多時間心機落去, 亦可能因為依一隻GAME, 係我唯一一隻GAME
因為我冇打算轉GAME, 甚至轉去台巨, 韓巨, 日巨, 美服.
萬一, 萬一港巨真係撐唔到落去, 我應該就會熄機, 唔再玩任何online game
因為我想保留果份童年到果一刻既珍貴回憶, 珍貴感覺. :)
20141013 "瘋 之比 "
自我簡介
樂古:LHP199433
居住:調景嶺
返工定返學(返工)
近日遲左工,前日先見左份,現在等消息:(
來左樂古幾耐?透過咩途經使你降臨樂古論壇?
因為09年巨商活動,要貼圖上巨商版先有獎,因此降臨樂古。
不過港巨都少人玩了,NKAUZ又少人玩了,愈來愈悶:'(
喜愛咩運動/球隊 點解會鐘意上依樣運動/球隊
愛跑。夜跑海邊,簡簡單單睇住海邊,望住夜景睇下靚女,聽住浪聲吹下海風,最後其實都係求身體健康。:D
自我簡介
樂古:〝細wIN_
居住:KT
返工定返學(返學)
來左樂古幾耐?透過咩途經使你降臨樂古論壇?
5年,巨商,吹水地方.
(本身都唔想出聲果堆黎,見到巨商版有時有d新手問野又有人搞投票果d就開始慢慢表態,
巨商玩到佢出神獸之後就冇玩,去左聊廣吹水,得閒都會去下巨商版睇下答下d新手,
台巨出左又玩左陣,玩左1隻神就冇玩,ps:台巨限制太多)
喜愛咩運動/球隊 點解會鐘意上依樣運動/球隊 可以加埋喜愛邊一個足球員
羽毛球,自細冇其他運動經驗,父母叫叫下學又冇叫,大個左最易玩就係羽毛球,
所以玩左一排,但係我想講冇人真係會真真正正叫埋自己班fd出去打囉.
個個淨係打波(basketball)踢波,平時係學校有pe堂上羽毛球又咁雀躍.
叫你出黎又推三推四,打羽毛球好失禮你咩?(sorry,激動左小小)
足球員我唔會講鐘意邊個,因為我唔玩同睇,所以我舉出名d球員,
美斯,c朗 Hellkite
居於香港
在職
當年因為巨商而接觸樂古。
還記得當初重玩巨商,由零開始。
2009年,秋。
當時,我正前往一個熱門的升級地點去完成任務時,一名名叫「初見」的玩家主動去帶我升級。
作為一個新手,當然願意接受老玩家主動的援助。
在短短的數小時,我在與「初見」的交談中,他提及了樂古。
他說,作為一個新手,一定要去樂古見識一下。
於是,我就來到樂古這個改變了我的論壇。
初到樂古,真的學懂了不少。
每一個遊戲,都有一套技巧,一套百戰百勝的技巧。
在樂古,我學會了玩巨商的技巧,不再是單純的升級,亦不在是孤單一個的存在。
...
我過去已有多年在論壇交流的經驗,並多於論壇任職管理成員。
在加入樂古不到一載,我已對樂古有一定的熟悉感,或者說,我喜歡了樂古。
樂古,比起過去我所接觸的論壇規模更大,所以,我更加希望加入樂古的管理成員,真真正正成為樂古的一份子。
不久我便成為樂古的版主,我認識了「小肥」。
「小肥」也是一個巨商的玩家,也是巨商中,一個商團的老大。
我慶幸能認識「小肥」。
在那個被眾人遺棄,注定無家可歸的我...小肥收留了我。
...
2012年,春。
因為巨商官方的無能,我退出了巨商。
樂古的會員、版主也有勉留我,希望我繼續留守巨商,甚至一部份的玩家肯借出他們的帳號給我。
最後,我只留守了「巨商版」 。
同年,DSE過去,畢業宴的晚上。
一位管理員主動向我提出,希望我成為超級版主。
盛情難卻,而且,當時的我,已經不再喜歡樂古,而是愛上了樂古。
成為超級版主的不久,管理層發生了一個大變動。
最後,我仍然留在管理層之列。
2013年,春。
又是一個春天。
因為巨商版的一些小問題,我亦趁此機會,退出巨商版。
反正,當時電腦已經更換為Macbook Pro,玩巨商已經力不從心。
這是一個美好的回憶。
其時,隨著手機遊戲的市場不斷開拓,以及社交網站更普及化,樂古的人流已不如從前。
但是,我不會因此而離開樂古。
樂古對我說,是一個充滿美好回憶的地方。
不僅僅是一個論壇。
時代轉變,ONLINE GAME更已式微。
即使開拓手機遊戲的市場,但人數也流失了不少。
很感謝過往為樂古貢獻過的版主,因為他們過去的努力,才能令樂古屹立不倒。
很感謝現在還肯留在樂古的版主,最少九週年活動,我看到你們的努力,對樂古的熱誠。
很感謝各個新的版主,你們的新面貌,新思維,或者將會令樂古有一個更美好的改變。
更感謝每一個會員。
樂古對我來說,是一個很好的訓練場。
樂古,謝謝你。
2014年,秋。
Hellkite
運動什麼的,我沒興趣。 本帖最後由 呀楊 於 15-10-2014 20:07 編輯
自我簡介:
樂古:呀楊
居住:天水圍
返學
來左樂古幾耐?透過咩途經使你降臨樂古論壇?
呵呵~不知不覺黎左樂古都已經有5年了,時間真係過得好快~
其實未上樂古之前,本身都會有上論壇嘅小習慣,
個時讀緊中一,一開始係上有兩隻貓嘅論壇,不過頻率真係好低,
主要會去靈異區、恐怖版、超自異區。
但後來因為朋友推薦,就開始玩天龍八部online,而且天龍係我人生第二隻online game,
同時係玩得最長,投資最多嘅遊戲。
前排都有賣廣告喔,姐係連詩雅個廣告game。
初初因為係新手,乜都唔識,自己去官網到取經,
結果官網個論壇就係樂古,就係依一刻,我就同樂古結下一個「緣」,
但我當時都係好耐好耐先會上一次,都係揀得閒無事做嘅時間,初時頌覺得奇怪,
點解天龍論壇會有CSO區,明明gameone同橙係九唔搭八!?
(因為當時買左電腦都係一年左右,對網絡世界唔太熟悉)
後來先知道樂古原來唔係under gameone... =3=,係獨立的...
自從做左老手後,當然就想整勁裝上寶石,
跟手就要搵攻略,就真係開始慢慢認識樂古,
同時會嘗試走出天龍版,後來上樂古就演變左日日都會上嘅習慣。
至於版主一職,本身自己係冇興趣,而且又怕麻煩,所以冇諗過會做,
玩左樂古三年(2012年),機緣巧合之下,有一日好平常放左學返黎上,
冇啦啦有個區版私聊我,邀請我做版主,而且當時我make sure係唔識佢,
以往亦冇交談過,我當時都好決斷推左,本身我性格都係比較小心,
因為明白冇咁大只蛤乸随街跳,但最後佢叫我慢慢考慮下,
交談過程見到佢又冇咩擺架子,萬一成功做左對我又冇咩影響,
而且大家又有緣份,性格上都啱channel,最後我都OK左,
後來都唔見有咩大問題發生...所以現在我都好感恩 @@
喜愛咩運動/球隊 點解會鐘意上依樣運動/球隊 可以加埋喜愛邊一個足球員
NBA嘅lebron james,雖然好多人好憎佢,覺得佢係背叛者,
為左冠軍離開處女隊騎士過檔熱火,跟手係熱火贏左兩次冠軍後又走人返去騎士,
令人覺得佢身為一個NBA超級明星,忠誠唔夠,唔夠michael jordan同kobe bryant一樣重情。
但見到一個人愈黎愈成熟,自己都有點得著
鐘意咩運動?我好肯定同你講一定係拳擊,
當時中三時期我個班好多人鐘意搏擊類運動,而且當時葉問2係咁炒,就開始關注搏擊運動
雖然好多人都覺得拳擊係暴力、黑社會、野蠻人,而且好辛苦
但係依種運動反而灌輸左我一個正確價值觀,改變左我中學時消極同逃避困難心態,
世界冇免費午餐,唔想比人睇死就要努力!(可能你會覺得好老土-_-) 樂古:浪跡天涯002
居住:布里斯本
番學。
08年加入樂古,最主要原因係因為天龍八部online。
之後陸陸續續識左好多人,最後因為無人肯接手天龍八部版主一職,所以就走左去申請,申請成功之後就做到依家,被升左上神枱做gameone區版。
而呢幾年因為天龍版沉沒,識既舊人已經走曬。所以有一段時間出現起 我思故我在 管理下既運動版。
鍾意既運動: 足球
吾理係英超 西甲 德甲 法甲 意甲都好,都略懂一二,但最熟都係英超,因為我係英超-車路士球迷。
愛以前既車路士:杜奧巴 安歷卡 林柏特 波歷克 泰利 施治⋯
依家既車路士:夏薩特 奧斯卡 迪亞高哥斯達 法比加斯 高爾圖斯 馬迪⋯
其他球員:
利物浦:謝拉特(神奇隊長,利記傳奇)
皇馬:基斯坦奴朗拿度(靠努力成為新一代球王)加里夫巴爾(未入皇馬之前一個打起熱刺成隊)
巴塞:美斯(天才型既球王)、尼馬(未來球王)
巴黎聖日耳門:伊巴謙莫域(瑞典神塔兼怪腳王,起我眼中佢真係當代最強既正中鋒,同C朗 美斯同級)、提亞高斯華(應該係當今球壇最強中堅之一)
多蒙特:馬高列奧斯(多仔icon,忠心,球技出眾),曉姆斯(多仔隊長,亦都係最強中堅之一) 樂古:bbp
居住:牛池灣
返工定返學(返學)
來左樂古幾耐?透過咩途經使你降臨樂古論壇?
(2009年以有5年時間)因光線飛車
光線飛車帶我入左黎.因為個陣見佢幾好玩 所以就加入左 從而就認識樂古
無奈太少人玩因而告終(其實係光線執笠)
後來因玩sdgo就開始參與討論的online game
個人喜愛的運動係足球 因這是合作類型運動 可以同其他隊友溝通 所以特別喜歡
其實冇特別喜歡的足球員 只要踢得好就可以 足球是全隊的不是個人的說
頁:
[1]
2