歐霸盃 8強3場加時 里昂射贏12碼趕尾班車
歐霸盃8強今晨鬥得激烈，全晚4場賽事合共有3場要加時分勝負，當中就只得切爾達作客踢和亨克1比1，兩回合贏4比3率先殺入4強。至於曼聯加時贏波之外，史浩克04雖然喺法定時間以2比0擊敗阿積士，兩回合計打和2比2，但去到加時戰，阿積士喺先失一球下，再入兩球反勝，將次回合總比數改寫成3比2。最後兩回合總比數由阿積士贏4比3，戲劇性殺入準決賽。另外里昂作客土耳其比錫達斯之戰，兩軍未有受到被罰歐洲賽資格影響，繼續投入激鬥。比錫達斯最後贏2比1，將總比數改寫成3比3。雙方加時都冇入波，最後要靠互射12碼分勝負，里昂射贏7比6，趕上4強尾班車。
頁:
[1]